Li 28.4.2020an piştî nîvro, sîtêreke guhestina şênberên petrolê, li orta Efrînê, li Kolana Reco, li pêş sûka firotinê ya gelêrî, hate teqandin. Di encam de, bêtirî /40/ qurbaniyên kuştî û dora /50/ kesî jî şewitîn û birîndar ketin, û piraniya wan sivîl, di nav de jin, zarok û hin jî nişteciyên resen in. Herweha ziyanin pir gihîştin, firoşgeh, mal û makînên derdorê. Û hin alavên ragihandinî û rûpelên hevgihanên civakî, wêne û dîmenên teqînê yên pir bi êş ên şewat, roxandin û termên komirbûyî veguhestin û belav kirin.
Û yekser piştî teqînê, qelfên çekdarên diz daketin derdora ciyê bûyerê, da ku, kelûpelên hundir dîkanên nêzîk û yên li kolanan bidizin, û li ser bihevgirin û qurşînan bi asîmanan de bavêjin, bêyî ku, bin kerkê wan bi xişim û bêtarê xubide.
Şalyariya bergiriya Turkiyê û hin alavên ragihandinê yên bi ser (rikbeririyê) ve – berî ku, bispêrin xwe û vekolînekê vekin û li şanên tuhmetbûyînê bigerin – , hema lezandin û Yekîneyên Parastina Gel, yan Hêzên Sûriya Demokratîk, bi bûyerê tuhmet kirin, da ku, li ser tewankerên rastîn veşêrin. Di dema ku, hatiye naskirin ku, ” Hêzên Rizgarkirina Efrînê” tenê Artêşa Turkiyê û nandozên wê li herêmê aramanc dikin û sivîlan armanc nakin, û bi awakî fermî piroseyên xwe radigihîn. Lê, piroseya teqîna sîtêrê ya ku, îro weke karekî terorî û tewaneke rêkûpêkirî rûdayî, imzeyên rêxistinên tekfîrî û milîsên nandoz – yên ku, ji destpêka kirîza Sûriyê ya 2011an ve, Hikometa Eledalê we Eltenmiyê xwedîtiya wan dike – li ser e.
Du sal ji fewdalîzim û serberdayetiyê, bi dehan teqîn rûdan, û destlatên dagîrkeriya Turkiyê ta niha, ji yên bi tewanan rabûne, yek tenê aşkere û ceza nekirine. Ew gavên peydakirina aramî, hêminî û aştiyê navêje, da ku, bi awakî berdewam, herêm weke birîneke vekirî darive.
Navnîşana rewşa Herêma Efrînê di bin dagîrkeriya Turkiyê û belavbûna milîsên tundrew û terorîst ên bi ser Hemahengiya Sûrî ya Ixwanî( Itîlafa Elsûrî – Elixwanî) ev e; Ne aramî û ne hêminî, dûjeheke nema tehmûl dibe, teqîn, pevçûnên di nav milîsan de, îşkencekirin, kuştinên mebestkirî, dizîn û talankirinên çekdarî, vêrgî û cezakirin û destdanîna ser milkên xelkê herêmê, revandin û girtinên tewşane û bêsûc, roxandina nixuma keskahiyê, roxandin û dizîna arziyên çandî, koçberkirina zorane û niştecîkirin û guhertina demografî…Û HWD. Lîstak û zincîrek li dû hev ji binpêkirin û tewanên salixdeyî, û teqîna îro jî xelekek ji wê zincîrê ye, armanc jê tirsandina xelkê û gurkirina fitne û nakokiyan di nav pêkhateyên welatê me – çi Kurd û Ereb û çi yên din – de ye.
Gelê Kurd û hemwelatiyên bi şeref, bi giştî vê kiryara terorîst – ê ku, ji tewanên li dijî mirovahiyê tê jimartin – bi tundî şermezar dikin, û Turkiyê di ber de berpirsiyar dibînin, ji ber ku, dewleteke dagîrker e. Û dibînin ku, rojekê pêş de, gerek Efrîn ji wê û nandozên terorîst were rizgarkirin, û vegere serweriya Sûriyê û rêvebiriya xelkê wê.
29.04.2020an
Nivîsgeha ragihandinê- Efrîn
Partiya Yekîtî ya Demokrat a Kurd li Sûriyê