Hey Şajina koşkê evînê
Nameyên Nêrgizan
Di kevanê dilê min de
Çilmisîn û diçilmisin
Û hîn jî
Te daniştoka ahînên min
Bi cî nehişt
Da li ser lêvên hêviyan
Xunava Omîdan bireşînî
Hey Şajina xemla sawiran
Dilopên Barana xewnên min
Di Evsaneyên evîna te de
Ziwa bûn
Û hîn jî
Buxça dilê te
Pêşwaziya tiktika hastên lerizî
Nekir
Û nejî derî lê vekir
Hey Şajina dengvedana Jiyanê
Lavlavên Pepûlekan
Agriê Serkutkirina baskên vejînê
Di koşkê te de venemirand
Û hîn jî
Li ber deriyê Çavên te
Hestên şewitî
Di kovanên evînê de
Bîranînan werbêj dikin
10\12\2014