Dem baş ….
Xwîşk û birayên ezîz , mîvanên xweşewîst ….
Di destpêke de , bi navê Partiya YekîtÎ ya Demokrat a Kurd li suriyê bi xêr hatina hemî rewşenbîr ,kesayetiyên serbixwe, nûner û berpirsên rêxistin û partiyên kurd û Kurdistanî û herwiha hemî dost û hevalan dikin .
Hevalên hêja …
Hûn tev bi xêr hatin li ser seran, bûn mîvanên me , li vê sîmînara ku hatiye li darxistin , bi boneya salvegera Şeşemîn koç barkirina serokê partiya me heval ( Isma,îl Omer ) û têperbûna Yekemîn sal li ser Şehîdbûna endamê serkirde heval ( Ehmed Bozan ) .
Helbet koç barkirina hevalên bi giraniya , Isma,îl Omer û Ehmed Bozan ziyanek mezine, û dakirtina cihê wan jî barekî girane divê qonaxa awerte de, wek qonaxa îro li Herêma me, û bi taybet li Rojavayî Kurdistanê .
Gelî hevalan …
Qonaxa îro çiqas bi derfete û Kurd tê de nêzikî mafê xwene , bi taybet li Başûr û Roj-ava , waqas jî bi tirse , û metirsiyên mezin jî hene . DA,IŞ û girûpên tundirew xwe aşkere kirine wek dijminek ji Kurda re , û ji EFRÎNÊ ta XANIQÎNÊ êrîşî ser Gund û bajarên Kurda dikin .
Ji bilî dijminê nas yê ku bi dirêjiya sed sala borî dijmintiya Kurdan kirî , û hînjî berdewame .
Îro aşkere bûye , pîlan û lîstikên dewletên der dora Kurdan , û çawa her yek ji wan bi herdû destan bercewendiyên xwe dajon serî . Û ne xeme li ba wan Qorbaniya wanjî em bin .
Şerê mezin îro li ber deriyê Kurdaye , li MOSIL û li REQAYÊ , Pêşmerge, û YPG,û YPJ , îro jî ji ber Cîhanê tevayî şerê Tîrorîstan dikin , qelen jî xwîna Keç,û korê Kurdaye .
Ji ber ku Kurda Îro xwe nîşandane, wek miletekî , wek hêzeka mezin ku bê wan şerê tîroran li Rojhilata Navîn nabe . Li Îraqê eniya rêzgarkirina MOSILÊ germe û gelek Pakrewan hene .
Artêşa dewleta Turka tê da nebeşdare . Di nêrîna mede , cihê Turka li wir nîne , û bê Turka jî wê MOSIL rêzgar bi be .
Dest têwerdana Turka di ( Be,işîqa) de û hewildanên wan ku derbasî MOSIL bibin, dixwezin riya navberî Başûrê Kurdistanê û Rojavayî Kurdistanê bibirin û qutkin , û wihajî dixwazin Mosilê ji xwere bikin pire yanjî Tiranzîta navberî wan û dewletên Kendava Erebî de,
Û wihajî aliyê din, Îran bi dostên xwe ve dixwazin ev yek neçe serî, û li hember lîstikên cûda, û an li pîlanan digerin ji bo rawestandina xwe xortir bikin .
Beşdarên hêja …
Li bakûrê Sûriyê jî Artêşa dewleta Turk derbasî nav axa Sûriyê bûye, li wirjî berê xwe berve hundirê Sûriyê ye , ta ku bighîne nêzîkî bajarê ( BABÊ Û Reqayê ), û hewildana beşdariya di şerê Hevbendiya Navnetewî dijî Tîrorê dike, û li wirjî armanca dewleta Turk xuya ye, ew jî birîna nav berî bajarê KOBANÎ û EFRÎNÊ ye .
Û ber avîtkirina Rêvebiriya ku nêzî sê salan li Rojavayî Kurdistanê tê bi rêvebir . Piştî dûrxistina Artêşa turkan ji şerê MOSILÊ , şerê xwe li Bakûrê Heleba Sûriyê, û der dora Herêma Efrînê gur kir , û topbaran bi ser sivîlan li Gund û bajarokê Efrînê dibarîne .
Beşdarên bi rêz …
Wek ku Da,işê talana xelkê me yê Şengalê kirin , û Kobanî bi ser û ber wêran kirin , û dewleta Turk leşgerên xwe dajotin ser Kurdên Bakûr û Rojava . lê karbidestên Îranê û Milayên wan jî bi sedan Keç û Kurên me bi darxistin , û wihajî Rêjîma Sûriyê bûye sedema Kuştin û penaberiya milyonan ji miletê Sûriyê .
Beşdarên xweşewîst …
Iro dengê siyasetê nizme , û têkliyên Kurda bi hevre ne vekirîne , lê em bi hêvîne ku peyamên siyasî hatibin girêdan , yanjî bên îmzekirin di navberî Kurdan û hêzên mezin , wek Emerîka û Rûsiya de , ji bo careke din kurd nebin qurban ji bo bercewendiyên xelkê, û sed sala bîst û yekan bin dest nejîn .
Derfet heye ku Kurd hinek mafên xwe bi dest bixin , heger hindirî mala Kurdan li hevbe . û hêzên Kurdan yên sereke peyaman û soza netewî bi hevre îmze bikin , lihevkirina partiyên Kurdistana Başûr û wiha jî Kurdistana Rojava di qonaxa îro de girînge, ji ber partiyek bi tena xwe biryara miletê Kurd nastîne , û barê giran bi tena xwe ranake .
Rêvebirina Herêma Fedralî ya ku ji nêzikve tê raghandin li Rojavayî Kurdistanê , ya ku hemî partiyan daxaz kirî , bi destê aliyekî , wê kût û kulek be .
Partiyek bi tena xwe nûnertiya Kurdên Rojava nake , ku kî be .
Şerê nav xwe û xwe xêza sore
Bijî pêşmerge û YPG,YPJ û Gerîla
Bijî Kurd û Kurdistan
Partiya Yekîtiya Demoqrat a Kurd li Sûriyê ( YKÎTÎ )
26 – 10 – 2016
————————-
* Gotina bi navê partiya yekîtî ya demokrat a Kurd li Sûriyê, ya ku mamoste Salih Bozan – endamê komîta rêvebir xwendiye di ahnegha bîranîna herdu nemiran Îsmaˊîl Omer û Ehmed Bozan de, li Bajarê Hewlêrê – Kurdistana Îraqê – roja 26/10/2016 an.
