ji buhiştê tu yek şaxî
Wek seyîda bi ocaxî
Gernas ji min re dibêjin
Çawa heya niha tu saxî
. . .
Ji buharê tu nêrgizî
Gelek ji ’emrê min dizî
Nûjdar dibêjin xwelî serî
Dil û kezeb tev derizî
. . .
Siyanoka li ber çema
Buhar çû û tu wek xwe ma
Xelk û ‘alem dibêjin min
Lawo “giryan”rihl te nema
. . .
Lêvên sor ava zemzem in
Sîngên te kelha demdem in
Hembêzkirna te dîlberê
Bo birînan xweş melhem in
. . .
Şensê min e, tim bext reş bim
Bê ziman û bê gengeş bim
Li derdora min şahî bê
Ji ken bê par û bê beş bim
. . .
Dilbirîn û dilkovan im
Tim bi qîr û bi fîxan im
Temaşeke li min canê!!!
Hîn ji bo te xweş qurban im
. . .
Hov û gêj û nezanim
Birîn kûr û dil giran im
Ji xwe bêhtir hij te dikim
Lewra li ser te “giryan im”
. .
18-3-2016