Dorpêça Efrîn
Dorpêç û bombe û talan
Hîro têkirin bi serê Efrîna me kurdan
Bi destê tundrewên îslamî û çetan
Û neyarê Tirik û rêjîma şofînîstên ereban
Dixwazin dagirin Çiyayê Lêlûn
Navçeya Robariya û Şêrewan
Axa Med û Horan, kal û babê me kurdan
*
Ebloqe û bombe û talan
Carek din têkirin li ser axa Kurdistan
Vê carê bi serê Rojavaya ciwan
Kobanî û Efrîn Çiyayê Kurmancan
Şerme bêdengiya cîhan
Li hember hovîtiya van kesan!
*
Kurdino bi yekbin
Û xwedî yek helwest û çekbin
Divê rizgariya Kurd û kurdistan
Tenê ji me re armanc û mebestbin
Nebin ken û lîskên dijminan
Û nekirin şerê hevdû, weke bizinan
*
Ev dorpêç û bombe û talan
Bi zanebûn têkirin û plan
Li dijî gelê Kurd, ne sazî û partiyan
Xwe mexapînin kurdino lo dilovan
Dest bihevdin em yek miletin
Û ticar bi neyaran bawernekin
Tirik, Faris û Ereb, hemî wekhevin.
15 – 06 – 2013
====================
Heger tu kurd î!
Lê heger tu kurd î
Divê tu wek Çiyayê Semsor û Cûdî
Bi kurdiya xwe serbilind bî
Û ticar nekî gûman û dudilî
Lê heger tu kurd î
Bilind hilde enî û tilî
Û mela dengê te were wek gumînî
Û qutke pir deştan û gelî
Û têxe dilê dijmin tirsa rovî
Lê heger tu kurd î
Û neviya Hor û Med û Kordox î
Divê tu bi xwe şanaz bî
Û herdem li ser lingan û piya bî
Lê heger tu kurd î
Divê tu bixwe bawer bî
Jiber ez dizanim tu her şêr û piling î
Wek Mîran, Dîlan û Zîlan leheng î
Û li cîhanê tevde hîro binavûdengî .. dengî
29 – 11 – 2015