Konfiransa SFPZK – Şaxê Ewrupa, di 19.08.2023yan de li bajarê Bremen- Almanyayê, û bi beşdariya hejmareke hêja ji mamoste û zimanhezên zimanê Kurdî ji hundir û derveyî Almanyayê hate lidarxistin.
Li destpêkê, Baranê Cûmê bixêrhatina mamoste û mêvanan kir û konfirans bi xuleke bêdeng li ser giyanê pakrewanên Kurd û Kurdistanê bi giştî û bi taybetî li ser giyanê kesên ku di ber zimanê Kurdî de ked û cefa dîtibûn dest pê kir.
Rapora SFPZK – Şaxê Almanyayê ji aliyê Gulistan Awaz ve hate xwendin û tê de kar, xebat û çalakiyên saziyê ji 2019an ve û ta 2023yan hate diyar kirin.
Pirs û gengeşe li ser raporê hatin kirin û pişt re ji aliyê Baranê Cûmê û Ferhad Mihemd ve pîrozbahiyên hatibûn şandin, xwendin û guhdar kirin.
Ji Ewrupa:
*Dr. Zeredeşt Haco/Almanya- Bremen.
*M. Ahmed Beko/ Norwêc.
*M. Mihemed û Berezanî Silêman/Danîmark.
*M. Mihemed Qere Hesen/ Holende.
Ji welêt:
*M. Merwan Berekat.
*M. Dilovanê Deştî.
*M. Îsmaîl Hacî Mûrad.
Piştî bêhinvedan û xwerina firavînê, daxwaza endametiyê ji aliyê beşdaran ve hate kirin.
Di xala hilbijartinê de, komîta rêvebir a borî, mamoste û endamên saziyê beşdar bûn. Şaxê Ewrupa hate damezirandin û komîta rêvebir a şaxê ji heft kesan hate hilbijartin û nav jî ev in:
1 -Arîn Nejar
2- Baranê Cûmê
3- Giryan Seyro
4- Gulistan Awaz
5- Mistefa Henan
6- Serdar Keleş
7- Zîlan Osman
Hêjayî gotinê ye ku Saziya Fêrkirin Û Parastina Zimanê Kurdî li sala 2006an li Sûriyê/Helebê hate damezirandin û ew yekem sazî ji bo fêrkirin û parastina zimanê Kurdî bû. Li sala 2019an, konfiransa yekê li Ewrupa hate lidarxistin û li wê salê şaxê Almanyayê hate damezirandin, û konfiransa duyem û vê carê şaxê Ewrupa hate damezrandin.
Pêşniyar û biryarên konfiransê:
1- Têkilî bi komele, yekîtî û saziyên Kurdî re werin kirin.
2- Pirtûkên saziyê werin nûkirin.
3-Endamê ku sê civatan bê sedem beşdar nebe, rola xwe tê rawestandin ta konfiransê bê.
4-Nasnameyên endaman hebin.
5- Di konfiransan de xelatkirin hebe.
6- Fêrkirin ne bê pere be.
7-Konfirans her du salan were lidarxistin.
SFPZK- Şaxê Ewrupa
20.08.2023z/2635k
* Rojnama Newroz – hejmar /158/ – 01 Mijdar 2023 an – Ji weşanên Partiya Yekîtî ya Demokrat a Kurd li Sûriyê.