Girtinên bêsûcane di dermafê Hemwelatiyên Kurd de -nişteciyên resen ên mane – berdewam dikin, bi tuhmetên têkildariyê bi Rêvebiriya Xweser (R.X) a berê re û hine din en çêkirî -ta ku sedem pişikdariya rojek tenê ji payandina şevayî be jî- digel ferzkirina sezayine mezin ji hepis û baceyên diravî, vê re jî kêmrûmetkirin û îşkencekirin û veşartina zorane û hin din ji rengereng danûstanên sert, ji bilî wê jî mirinên di bin îşkencê de, bi ser de jî reşwet/ çilekî û vêrgiyên diravî, ew jî piştî borandina (5 ta11) salan di ser wan heyînan re (yên ku ji aliyê amûrên dadwerî û ewlehiyê yên çêkirî ve û bi serpereştiya Istîxbarat û cîgirê giştî yên Turkî de bi “tewanên endamtiyê yan hevkariyê yan jî kar bi Partiya Karkirên Kurdistanê PKK” re têne salixdankirin); Herweha jî daxuyaniyên girtiyan ên kesayetî di lîsteyên bi navê “lîsteyên terorê” de têne sazkirin, ên ku yeser jî bo “Anqerê” têne şandin.
Ev jî hin heyînên li ser rewşên serwerkirî ne:
= Gundê “Turindê”:
Navê erebkirî “Zerîfê” ye û bi navça Navenda Efrînê ve girêdayî ye, /2.5/KM jê dûr e, ji dora /300/ malî pêkhatî ye, dora /1500/ nişte tê de bûn, li dema dijberîkirina li ser herêmê piranî ji gund derketin, jê dora/50 malbat = 200 nişte/ vegerîn û yên din jî zorane koçber bûn, û dora /250 malbat = 1500 nişte/ ji anîndeyan tê de hatin niştecîkirin.
Di encama bombebarankirina gund de li dema dijberiyê, ziyan bi piçekî gihîştin mizgeftê û hin malan, jê yên “Mehmûd Ebdalo, û Hemîd Ebdalo”, lê Mala “Mistefa Reşîd” bi tevahî hate roxandin, û sê zarok jî tê de pakrewan bûn.
“Mala”Hemîd Ebdalo” ya hatiye roxandin li G. “Turindê”, di encama bombebarana Turkiyê de, 2018an. Z.”
“Bombebarankirina mizgefta G. “Turindê” – Efrîn ji aliyê Artêşa Turkiyê ve, li dema dijberîkirina li ser herêmê, li 2018an. Z.”
Piştî desteserkirina gund ji aliyê Milîseyên “El’cebhe El’şamiyê, û Ceyş El’îslam” ve û destdanîna li ser piraniya malan û niştecîkirina anîndeyan tê de, tiştmiştên tevahiya malan hatin talankirin û dizîn, mîna: Xwarinvexwarin, firaxên baqirî, cerên gazê, alav û amûrên elektirîkê, raxistok û mobîliya, alav û pêdiviyên çandiniyê, giropên hilkişandina ava avdanê û yên bilî wan, û pez û dewar û mirîşkan.
Û weha jî wan (teksiya Mistefa Reşo, /3/ tirektorên çandiniyê yên “Ehmed Samî, Nûrî Ebdalo, Kenco Sîdo”) û giropa hilkişandina ava vexwarinê ya giştî û dûmahîkên wê.
Herweha jî wan dest danîn ser malmewdanên hin kesên ne li gund û yên zoranê koçberbûyî, ji wan “Fewzî Elî, Malbata Reşo Emo, Mistefa Ebdalo”; Û li ser werzên/mûsimên malmewdanên din ên çandiniyê û piroseyên avdanê ji Çemê Efrînê vêrgiyan ferz dikin; Ji bilî wê jî çêrandina bêwijdan û bi zorê ji keriyên pêz û dewêr re di nav zevî û erdên çandiniyê de.
Û wan dar û daristanên îhracê yên li dor gund û bi sedan darên zeytûnê û meywan bêwijdan qut kirin, jê: yên “Beşîr Eswed, Nûrî Ebdalo, Hec Mistefa Kamêl, Kenco Sîdo, Ebid El’rehman Ebdalo, Cemîl Emo”ne, û rêjeya qutkirinê li çiyayê bi ser gund ve gihîşte 50% ji daristanê.
“Qutkirina darên zeytûnê li G. “Turindê”.”
Û wan Girê “Turindê” (bi rûbera /2.72/ Hiktarî) û Cîgeha “Zaretokê” li Rojhilatê gund û hin din di navêna herdu Gundên “Turindê û Qîbarê” de li Çiyayê Lêlûn rêşkirin û kolandin, ji bo lêgerîna li kevneşopan û kinzên binerd û dizîna wan, û bi sedema nelihevkirinê li ser parvekirina wan dizînan, li destpêka Cotmehê 2022an. Z pevçûnin di navbera çekdaran de derketin.
“Rêşkirin û kolanidina Girê “Turindê” yê kevneşopî (29.1.2018an. Z berî dagîrkirinê, 20.3.2022an. Z piştî dagîrkirin û kolandinê), Gogêl Êrs.”
Weha jî xelkê gund ên ku li wir mane jî -di nav de jî jin û temenmezin- tûşî cûrbecûr binpêkirinan hatin, mîna: Revandin û girtinên bêsûcane û îşkencekirin û perestandin û kêmrûmetkirin û yên bilî wan; Û xort “Şervan Hesen Qido /27/sal” bêtirî çar salan di hepsa Bajaroka “Çobanbegê/El’ra’î”de zorane veşartî ma, ta ku li Tîrmeha 2022an. Z hate berdan.
Û ji sivîlên gund ev pakrewan bûn:
– Hersê zarokên xwîşk û birayên hev “Hele/14/sal, Hisên/13/sal, Ferhad/10/sal” – zaroyên Rif’et Ibrahîm, li 8.3.2018an. Z, di encama bombebarankirina Turkiyê ji gund re, bi ser de jî diya wan û zarokê birayê wan ê /3/salî birîndar bûn; Û li şeva 14.3.2018an. Z jî, di encama topebarandineke din de pênc zarok ji yekmalbatê bi kûranî brîndar bûn.
“Hersê zarokên hembira û pakrewan “Hele, Hisên, Ferhad” zaroyê Rif’et Ibrahîm.”
– “Mihemed Cimo kurê Îsam /20/sal” (ê zorane koçberbûyî), li 9.7.2018an. Z, di encama teqîna bombeyekê de li herêma penaberiyê – Bakurê Heleb.
“Pakrewanê ciwan “Mihemed Cimo kurê Îsam”.”
Û li gund di navbera Giropên “El’şamiyê” û “Artêşa/ceyş El’îslam” de pevçûnin çêbûn, û niha jî Milîseyên “Firqit El’sultan Silêman Şah – El’emşat” gund desteser dikin, piştî qewtandina “El’şamiyê” jê li Cotmeha 2022an. Z ji aliyê “Desteya Tehrîr El’şam” ve, li dû pevçûnine xwînî yen ku sivîl bi tirsandin dane û di encamê de zarokek ji anîndeyan hatiye kuştin; Û li ser riya gund a giştî rêbendeke leşkerî heye (ye ku bi ferzkirina vêrgiyan û pêkanîna binpêkirinan navdayî ye).
= Girtinine bêsûcane:
Destlatên dagîrkeriyê ev girtin:
– Di navboriya du heftan de ji heyva borî /45/ hemwelatî -di nav de jî jin û temenmezin- ji xelkê Gundê “Dumiliya” – Navça Reco bi tuhmetên têkildariyê bi Rêvebiriya Xweser a berê re -piraniya wan jî bi “pişikdariyê di payandina şevayî de”, piştî bendkirina heryekî rojekê û ferzkirina sezayeke diravî/150/Dolarî li ser, û ji wan girtiyan “Zimurid Şêxo/40/sal, Rodîn Şêxo/30/sal, Roşîn Hisên Gulîn /35/sal” hatin naskirin, piştî ku ew vexwendin navenda Navça Reco, û hin din ên daxwazkirî jî hene; Lê “Şukrî Sebrî Şindî /43/sal” (ê ku li 22.5.2023an. Z hatiye girtin) bo Hepsa “Maratê” ya navendî li Efrînê hate guhestin, û ta niha bêsûcane bendkirî ye.
– Li 25.5.2023an. Z, Hemwelatî “Mihemed Celal Qido /29/sal” ji xelkê G. “Turindê” – Efrîn, bi tuhmeta têkildariyê bi R.X a berê re, û li 8.6.2023an. Z hate berdan, û were zanîn jî ku ew berê jî carekê hatiye girtin.
– Li 31.5 2023an. Z, Xort “Amêr Silêman Mislim /35/sal” ji xelkê Gundê “Aşkê Xerbî” û li Bajarê Cindirêsê rûniştî, û ta niha bêsûcane bendkirî ye.
– Li 1.6.2023an. Z, Hemwelatî “Nûrî Ezet Erebo /30/sal” ji xelkê Bajaroka Cindirêsê, bi tuhmeta têkildariyê bi R.X a berê re, û ta niha bêsûcane bendkirî ye.
– Li 6.6.2023an. Z, Hemwelatî “Ehmed Ziyad Kirîşo /25/sal” û diya wî “Zekiye Arêf Elo /50/sal” ji xelkê Bajaroka Cindirêsê, piştî ku mala malbatê hate basmîşkirin û hemî amûrên telîfúnê yên xilyewî hatin zeftkirin, û piştî rojekê herdu berdan.
= Geregoşî û serberdayetî:
– Li şeva 28.5.2023an. Z, piştî ragîhandina vexwarina “Erdoxan” di hilbijartinên Turkiyê de, Milîseyên “Artêşa Niştîmanî ya Sûrî” qurşînên jîndar ji çekên sivik û orte bi jor ve û bi rengekî pir û tewşankî avêtin, û di encamê de hin sivîl brîndar ketin.
– Li şeva 29.5.2023an. Z, şer û dogişek û avêtina qurşînan di navbera anîndeyina de (en ku li Taxa Mehmûdiyê – Bajarê Efrînê hatine niştecîkirin) çêbûn, bi sedema avêtina zarokekî ji kevirekî re li ser dîkanekê, û di encamê de zarokek mir û çar kes -di nav de jî du zarok- rengereng birîndar bûn.
– Li siba 31.5.2023an. Z, çekdarin ji Milîseyên “Artêşa/Ceyş El’şerqiyê” û anîndeyin pê ve girêdayî ji Hemwelatî “Şêro Hemûd kurê Mihemed” re ( yê ji xelkê Gundê “Dêwa” û li Kolana/16/ li Rojavayê Kolana Yalanqozê – B. Cindirêsê rûniştî) sixêf û gef kirin, û qurşîn bi jor ve avêtin û herweha avêtin makîna Şêro li pêş malê, û di heman demê de gef berve malên pakrewanên Newroza Cindirêsê 2023an. Z ên hemcîwar avêtin û li deriyên wan jî xistin, bê ku tu hesabî ji yekî re bikin, weke hewildan ji bo tirsandina Kurdan û têvedana wan bi aliyê koçberiyê ve.
– Li derdora kat heft ji şeva 3.6.2023an. Z, li kolana Başûrê Gergeha “Maratê” – B. Efrînê, Temenmezin “Qedriye Cemîl Îbiş /70/sal” – Jinebiya Dilovanber “Mihemed Ebid El’rehman Îbiş” ji xelkê Gundê “Ke’inîgewrikê/Kanîgewrikê” – Navça Cindirêsê bi qurşîneke tewşankî ye reşareke orte birîndar ket, û di cî de jiyana xwe ji dest da, lê jêdera wê qurşînê nehate naskirin.
“Pakrewan “Qedriye Cemîl Îbiş”.”
– Li 4.6.2023an. Z, çekdarekî ji endamên Milîseyên “Firqit El’sultan Mûrad” qurşîn avêtin du ciwanan ji anîndeyên ku li Gundê “Qeretepe” – Navça Şera hatine niştecîkirin, piştî ku wan destêwerdan kir ku wî ji lêdana zarokekî bi dûr bixin, û ji ber wê ew ji bo dermankirinê hatin şandin, û tewankar jî revî.
– Li berbanga 9.6.2023an. Z, li ser riya di navbera Bajaroka “Reco” û Gundê “Memala” yê hevcîwar de, du çekdarên serçavgirtî û li ser matoreke dutekerî qurşîn avêtin “Ehmed Hesen El’nimir El’dixêm, Ebid El’kerîm Mihemed El’dixêm” ji anîndeyên Bajaroka “Cercenazê” – Me’erit El’u’iman/Parêzgeha Idlibê, û di encamê de yê yekê hate kuştin û yê dudiyê jî birîndar bû, û herdu çekdar reviyan.
– Li 9.6.2023an. Z, xortekî çekdar ji nişteciyên Bajarê Cindirêsê – Pêkhateya Erebî du qurşîn yekser avêtin Xort “Mihemed Umer /18/sal û diya wî Fatme” ji xelkê B. Cindirêsê, li dema ku ew tevî dostekî xwe li nêzîk Pira “Tilsilorê” Başûrê bajêr bûn, û ji ber wê ew bo Nexweşxana Leşkerî hate rêkirin û piroseyên neştegêriyê jê re hatin kirin, û ta niha ew di rewşeke bîrveçûnê û lêsekirina mekin de ye, lê bê ku em kanibin sedeman nas bikin.
= Qutkirina daran:
Ji bo êzingkirin û çêkirina komirê û bazirganiyê, piroseyên qutkirina daristanên xwezayî û çandeyî û darên îhracê û zeytûna ji aliyê Milîseyên “Artêşa Niştîmanî ya Sûrî” ve berdewam dikin, di pêvajoya siyaseta qirkirina jîngeha herêmê û nixuma wê ya geyayî bi awakî rêkûpêkirî, jê:
– Li 28.5.2023an. Z, dareke sindiyanê ye temenmezin li nav zeviyeke zeytûna ye Malbata “Silêman Hec Nebo” li G. “Metîna” – Navça Şera, ji aliyê Milîseyên “Firqit El’sultan Mûrad” ve.
“Qutkirina dareke sindiyanê ye temenmezin e Malbata Silêmên, G. “Metîna” – N.Şera.”
– Wêneya makînak bara tijî êzingên ji daristanên Navça Reco qutkirî (yên ku Milîseyên “Artêşa Niştîmanî ya Sûrî” bazirganiyê pê dikin) giha me, û ew li 1.6.2023an. Z di rêbendeke Milîseyên “Lîwa’i El’muntesêr Bîlah” – çateriya Gundê “Hemşelekê” re derbas dibe, piştî derbasbûnê di rêbendeke “Asayêşa Leşkerî” re (ye di Derbasgeha Reco de) û rêbendeke “Firqit El’hemzat” li çateriya Gundê “Berbenê” (yên ku para xwe ji talanan werdigirin).
“Makînak êzingan radike, rêbendeke çekdar e “Lîwa’i El’muntesê Bîlah”, Çateriya G.Hemşelekê, 1.6.2023an. Z.”
= Binpêkirinine din:
Li 24.5.2023an. Z, Milîseyên “Firqit El’sultan Silêman Şah” destdirêjî li Temenmezin “Mihemed Arêf Birîm /65/sal” ji xelkê Bajaroka “Kaxrê” – Navça Mabeta kirin û mekin lêxistin, li dema hebûna wî di nav rezeke tirî de bi mebesta payandina wê, û matora wî ya dutekerî û tibabeke diravî jê dizîn, û temenmezin ji aliyê derbasbûyekî ve bo dermankirinê hate şandin.
Ew girtinên bêsûcane û yên ku li gor şîretên devkî û giştînameyên bi dizî ji aliyê Istîxbarat û Destlatên Turkiyê ve têne kirin, ji Yasaya Navdewletî ya Mirovahî re berevajîkirinine bi robet in, çimkî Turkiyê dewleteke dagîrker e, û herweha çend pêngavên dadwerî yên dadmend jê kêm in, û tersî destûr û yasaya Sûrî ne jî.
11.06.2023 an
Nivîsgeha ragihandinê- Efrîn
Partiya Yekîtî ya Demokrat a Kurd li Sûriyê
————————–
Wêne:
– Mala”Hemîd Ebdalo” ya hatiye roxandin li G. “Turindê”, di encama bombebarana Turkiyê de, 2018an. Z.
– Bombebarankirina mizgefta G. “Turindê” – Efrîn ji aliyê Artêşa Turkiyê ve, li dema dijberîkirina li ser herêmê, li 2018an. Z.
– Hersê zarokên hembira û pakrewan “Hele, Hisên, Ferhad” zaroyê Rif’et Ibrahîm.
– Pakrewanê ciwan “Mihemed Cimo kurê Îsam”.
– Qutkirina darên zeytûnê li G. “Turindê”.
– Rêşkirin û kolanidina Girê “Turindê” yê kevneşopî (29.1.2018an. Z berî dagîrkirinê, 20.3.2022an. Z piştî dagîrkirin û kolandinê), Gogêl Êrs.
– Pakrewan “Qedriye Cemîl Îbiş”.
– Qutkirina dareke sindiyanê ye temenmezin e Malbata Silêmên, G. “Metîna” – N.Şera.
– Makînak êzingan radike, rêbendeke çekdar e “Lîwa’i El’muntesê Bîlah”, Çateriya G.Hemşelekê, 1.6.2023an. Z.
——————–
Hûn dikarin dokumêntê bi tevahî daxin, li ser vir bitikînin: