Eger pêwistî û giringiya gelên cîhanê carekê bi zanîn, çand û hunerê hebe, giringiya gelê me yê Kurdê perîşanê ku ji hemî mafên xwe bêpar bûye, di cîhana me ya îro de, di bin nîrê bindestî û koletiyê de dinale, deh caran bi xwendin û zanînê heye, ji xwendin û zanînê pêve, tu rê li pêş jiyaneke bi rûmet tune ye.
Lewra, û ji ber baweriya me ya bêsînor bi xwendin û zanînê, ne diho-pêr, lê ji berî 25 salan ve, her û her me giringî daye xwendinê, nav di keç û lawên Kurd daye da ku ji kaniyên zanînê vexun, ji bo sibe ew di civaka xwe de bibine mînak, rêya azadî û serfiraziyê nîşa gelê xwe bidin û serkêşiya xebata wî bikin.
Îsal jî mîna her sal. Çi li welêt, çi li derveyî welêt, xwendekarên Kurd ên di pola 9 û 12an de serkeftî bûn, ew ji bal rêxistinên partriyê ve hatin xelatkirin.
Li dever û bajarê Helebê, herêma Cizîrê, Herêma Kurdistanê, li Almanya, Swêdê, Swêsra û Danîmarkê…û hwd, bi sedan keç û lawên Kurd hatin xelatkirin.
Serkeftina Xwendekarên me pîroz be, û em hêviya paşerojeke ronak ji wan re dixwazin. Herweha bi navê Desteya Newrozê, em spasiya rêxistinên partiyê dikin ku di vî karî de westan û cefa kişandine.
Li dawiyê, em jî gotina Seydayê Cegerxwîn dubare dikin û dibêjin:
Xwendin neb ekes naçe pêş peyda dibin pir derd û êş.
Li jêr, hin dîmenên xelatkirinê ji we re diweşînin:
Li Helebê jî xelatkirina xwendekarên serkeftî
Partiya Yekîtiya Demokrat a Kurd li ya Sûriyê – Rêxistina Helebê. Li bajarê Helebê taxa Şêxmeqûsd (çiyayê Seydo). Di hola Efrînê de li dîroka 29 -Tebaxê -022an. Şahiya xelatkirina xwendekarên ji pola nehan û bekeloriya bi hemî şaxên wê ve li darxist. Ev lîsta xelatkirinê ye.
Bekeloriye şaxê zanistî -168
Bekloriye şaxê wêjeyî – 25
Bekloriye şaxên din – 7
Beşê kurdî – 3
Pola nehan – 277
Tevahî – 480
* Rojnama Newroz – hejmar /153/ – 06 Rezber 2022 an – Ji weşanên Partiya Yekîtî ya Demokrat a Kurd li Sûriyê.