PÎROZNAME
Hevalên hêja, Endam û mêvanê kongira duyemîn ya Partiya Welatparêzên Kurdistanê …
Silavên biratiyê ji Rojavayî Kurdistanê bo we rêdikin, û serkeftinê ji karê we re dixwazin. Hêvîdarin ku di karê kongir de û weha jî di xebat û bizavê de hûn her serkevtî bin.
Xûşk û birayên hêja…
Weke hûn jî dizanin Rojhilata navîn careke din ketiye tevlihevîyek mezin de, û tê diyarkirin ku pilanên nû ji aliyê dewletên bi hêz ve tên hûnandin, û guhertinên berçav di rê de ne, Kurdistan bi her çar perçeyên xwe jî di nav rojeva guhertin û cengê de ye. Tirs û guman heye ku careke din wek berî sed salî kurd bibin qurban, ji bo vê yekê yekrêzî û yek helwestî ya tevgera gelê kurd li her perçeyekî Kurdistanê pêwîste, û li ser asta Kurdistanê bigiştî jî pêwîstîya yekrêzî û hevkarîyê heye.
Em wek Partiya Yekîtî ya Demokrat a Kurd li Sûryê, di vê qonaxa nazik û aloz de giringiyê didin yekrêzîyê û hevkarîyê, û dibînin ku partiyek bi tena xwe çiqasî bi hêz be jî nikare bi barê doza çarenivîsa gelê kurd rabe, tenê yek rêzî û yek helwestî li ser hemî astan giraniyê û berdewamîyê dide doza me ya rewa.
Em bi germî piştgirîya karê we dikin, serkevtinê ji kongirê we re dixwazin.
Komîta rêzanî
Partiya Yekîtî ya Demokrat a Kurd Li Sûriyê
Qamişlo 27.08.2026an